Home  સ્પોર્ટ્સ  ટીમ ઈન્ડિયા જશે બાંગ્લાદેશ ના પ્રવાસે , ODI અને T20 સિરીઝનું શેડ્યૂલ…

• સ્પોર્ટ્સ

ટીમ ઈન્ડિયા જશે બાંગ્લાદેશ ના પ્રવાસે , ODI અને T20 સિરીઝનું શેડ્યૂલ જાહેર

By

 ગુજરાત હેરાલ્ડ

જૂન 16, 2024 9:57:19 એ એમ (am)

ભારતીય પુરૂષ ક્રિકેટ ટીમ વર્લ્ડ ટેસ્ટ ચેમ્પિયનશિપની ફાઇનલમાં હાર્યા બાદ એક મહિનાનો આરામ કરી રહી છે. ટીમ પાસે હવે 12 જુલાઈથી 13 ઓગસ્ટ સુધી વેસ્ટ ઈન્ડિઝનો લાંબો પ્રવાસ છે.

ટીમ ઈન્ડિયા આ પ્રવાસમાં બે ટેસ્ટ, ત્રણ વનડે અને પાંચ ટી-20 મેચ રમશે. આ વર્ષે ODI વર્લ્ડ કપ અને એશિયા કપ પણ ODI ફોર્મેટમાં હશે, જેના કારણે આ પ્રવાસ ઘણો મહત્વપૂર્ણ સાબિત થઈ શકે છે.

ગુરુવારે મોડી રાત્રે એક અહેવાલ સામે આવ્યો છે જેમાં ભારતીય ક્રિકેટ ટીમના પ્રવાસની માહિતી મળી છે. આ પ્રવાસ મહિલા ક્રિકેટ ટીમ નો હશે. મહિલા ક્રિકેટ ટીમની વાત કરીએ તો મહિલા પ્રીમિયર લીગ બાદથી મહિલા ખેલાડીઓ સતત આરામ પર છે. આ દરમિયાન એક મોટી માહિતી સામે આવી છે, જે મુજબ બાંગ્લાદેશ ક્રિકેટ બોર્ડે ત્રણ મેચની ODI અને T20 સીરીઝ માટે ટીમ ઈન્ડિયાની યજમાની કરવાનો નિર્ણય લીધો છે. આ પ્રવાસ જુલાઈમાં જ થશે, જેની તારીખો પણ જાહેર થઈ ગઈ છે. આ પ્રવાસની શરૂઆત 9 જુલાઈએ T20 શ્રેણી ની પ્રથમ મેચથી થશે. અને તેનો અંત 22 જુલાઈએ છેલ્લી ODI સાથે થશે. ક્રિકબઝના અહેવાલ મુજબ, ભારતીય ટીમ આ માટે 6 જુલાઈએ ઢાકા પહોંચશે.
અહીં 11 વર્ષમાં પ્રથમ વખત મહિલા આંતરરાષ્ટ્રીય મેચ રમાશે. ક્રિકબઝ દ્વરા મળેલ માહિતી મુજબ, બાંગ્લાદેશ મહિલા ક્રિકેટ બોર્ડના પ્રમુખ શફીઉલ આલમ ચૌધરી નડેલે જુલાઈમાં યોજાનારી શ્રેણીની પુષ્ટિ કરી. તેણે કહ્યું કે જુલાઈમાં અમે સફેદ બોલની શ્રેણી માટે ભારતીય મહિલા ક્રિકેટ ટીમની યજમાની કરીશું. આ તમામ મેચ શેર-એ-બાંગ્લા નેશનલ સ્ટેડિયમમાં યોજાશે. આ આખા દિવસની મેચો હોઈ શકે છે જેનો સમય હજુ સ્પષ્ટ નથી. તમને જણાવી દઈએ કે 11 વર્ષમાં આ પ્રથમ વખત હશે જ્યારે અહીં મહિલા ક્રિકેટ ટીમની આંતરરાષ્ટ્રીય મેચ રમાશે. છેલ્લી વખત બાંગ્લાદેશ મહિલા ક્રિકેટ ટીમે અહીં આંતરરાષ્ટ્રીય મેચ 2012માં દક્ષિણ આફ્રિકા સામે રમી હતી.

વધુમાં વાંચો… ODI વર્લ્ડ કપ પહેલા ભારત-પાકિસ્તાન ત્રણ વખત ટકરાશે, જાણો કેવી રીતે ચાહકો ટ્રિપલ ટ્રીટનો આનંદ માણી શકશે
લાંબી રાહ જોયા પછી, એશિયા કપ 2023 ની તારીખો જાહેર કરવામાં આવી. એશિયન ક્રિકેટ કાઉન્સિલે ગુરુવારે ,15 જૂન ટૂર્નામેન્ટની તારીખોની સત્તાવાર જાહેરાત કરી હતી. એશિયા કપ 2023 31 ઓગસ્ટથી 17 સપ્ટેમ્બર સુધી રમાશે. આ ટૂર્નામેન્ટ દ્વારા ભારત અને પાકિસ્તાનના ચાહકો માટે એક સારા સમાચાર પણ આવ્યા છે. વાસ્તવમાં ટૂર્નામેન્ટમાં ભારત અને પાકિસ્તાન વચ્ચે કુલ ત્રણ મેચ જોવા મળી શકે છે.

ODI વર્લ્ડ કપ 2023 પહેલા એશિયા કપમાં ભારત અને પાકિસ્તાન વચ્ચે કુલ ત્રણ મેચ જોવા મળી શકે છે. એશિયા કપમાં કુલ 6 ટીમો ભાગ લેશે, જેમાં ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન અને નેપાળનો સમાવેશ થાય છે. તમામ ટીમોને 3-3 ના બે જૂથોમાં વહેંચવામાં આવી છે, A અને B. ગ્રુપ-એમાં ભારત, પાકિસ્તાન અને નેપાળનો સમાવેશ થાય છે જ્યારે બીમાં અફઘાનિસ્તાન, બાંગ્લાદેશ અને શ્રીલંકાનો સમાવેશ થાય છે. ભારત અને પાકિસ્તાન વચ્ચે આ રીતે ત્રણ મેચ રમાઈ શકે છે. બંને ગ્રુપમાં હાજર તમામ ટીમો એક બીજા સામે એક-એક મેચ રમશે, આ રીતે ગ્રુપ સ્ટેજમાં ભારત અને પાકિસ્તાન વચ્ચે પ્રથમ મેચ જોવા મળશે. બંને વચ્ચેની આ મેચ સત્તાવાર રીતે ફિક્સ છે. આ પછી ગ્રુપ-Aમાંથી ભારત અને પાકિસ્તાન ટોપ-4માં ક્વોલિફાય થવાની પ્રબળ સંભાવના છે. સુપર-4માં, તમામ ટીમો ટોપ-2માં રહેવા અને ફાઈનલ માટે ક્વોલિફાય કરવા માટે એકબીજા સાથે સ્પર્ધા કરશે, આવી સ્થિતિમાં, ભારત અને પાકિસ્તાન વચ્ચેની બીજી મેચ અહીં જોવા મળી શકે છે.
બીજી તરફ જો ભારત અને પાકિસ્તાનની ટીમો સુપર-4 જીતીને ફાઇનલમાં પહોંચે છે તો બંને વચ્ચેની ત્રીજી મેચ ફાઇનલ તરીકે જોવા મળી શકે છે. એશિયા કપ 2022માં બે મેચ રમાઈ હતી. આ પહેલા રમાયેલા એશિયા કપ 2022માં ભારત અને પાકિસ્તાન વચ્ચે બે મેચ જોવા મળી હતી. બંને ટીમો પહેલા ગ્રુપ સ્ટેજમાં ટકરાયા હતા. આ પછી સુપર-4માં બંને ટીમો સામસામે આવી હતી. આમાં ભારતે ગ્રુપ-સ્ટેજની મેચ જીતી હતી, જ્યારે પાકિસ્તાને સુપર-4 મેચ જીતી હતી.

વધુમાં વાંચો… જસપ્રીત બુમરાહ અને શ્રેયસ અય્યર વેસ્ટ ઈન્ડિઝ પ્રવાસ પર ટીમ ઈન્ડિયાનો ભાગ નહીં હોય, એશિયા કપ 2023 માં રમવાનુ નક્કી
ભારતીય ઝડપી બોલર જસપ્રિત બુમરાહ અને બેટ્સમેન શ્રેયસ અય્યર હવે ટીમમાં વાપસીના માર્ગે છે. બંને ખેલાડીઓ પોતપોતાની પીઠની ઇજાઓ સાથે સંઘર્ષ કરી રહ્યા હતા.સર્જરી પછી, નેશનલ ક્રિકેટ એકેડમી માં ચાલી રહેલા પુનર્વસનને કારણે બંને ભારતીય ખેલાડીઓ તેમની ફિટનેસની નજીક આવી રહ્યા છે. આવી સ્થિતિમાં આ બંને માટે વેસ્ટ ઈન્ડિઝ સામે રમાનારી શ્રેણીમાં વાપસી કરવી મુશ્કેલ લાગી રહી છે, પરંતુ એશિયા કપ 2023માં બુમરાહ અને શ્રેયસ અય્યરની વાપસી નિશ્ચિત માનવામાં આવી રહી છે.

‘ESPNcricinfo’ અનુસાર, નેશનલ ક્રિકેટ એકેડમીનો મેડિકલ સ્ટાફ બુમરાહ અને શ્રેયસ ઐયર બંનેના સ્વસ્થ થવાથી ખુશ છે. આવી સ્થિતિમાં, 31 ઓગસ્ટથી યોજાનાર એશિયા કપમાં આ બંનેની વાપસીને લઈને ઘણી અપેક્ષાઓ રાખવામાં આવી રહી છે.
બુમરાહે છેલ્લી મેચ સપ્ટેમ્બર 2022માં રમી હતી. ફાસ્ટ બોલર જસપ્રીત બુમરાહે તેની છેલ્લી આંતરરાષ્ટ્રીય મેચ સપ્ટેમ્બર 2022માં ઓસ્ટ્રેલિયા સામે T20 ઈન્ટરનેશનલ તરીકે રમી હતી. આ પછી, તેણે આ વર્ષે માર્ચમાં ન્યુઝીલેન્ડમાં પીઠની સર્જરી કરાવી હતી. અહેવાલો અનુસાર, બુમરાહ મુખ્યત્વે ફિઝિયોથેરાપી કરી રહ્યો છે, પરંતુ તાજેતરમાં તેણે લાઇટ બોલિંગ પણ શરૂ કરી છે. ધીમે ધીમે તેના બોલિંગનો વર્કલોડ વધતો જશે.
અય્યરને બોર્ડર-ગાવસ્કર ટ્રોફીમાં ઈજા થઈ હતી. શ્રેયસ આ વર્ષે ઓસ્ટ્રેલિયા વિરૂદ્ધ રમાયેલી બોર્ડર-ગાવસ્કર ટ્રોફીથી ટીમની બહાર હતો. અય્યર પીઠના નીચેના ભાગમાં ઈજા થઈ હતી, જેના કારણે તેને બોર્ડર-ગાવસ્કર ટ્રોફીની છેલ્લી ટેસ્ટ મેચમાંથી બહાર થવું પડ્યું હતું. ત્યારબાદ મે મહિનામાં અય્યરની લંડનમાં સર્જરી થઈ હતી. રિપોર્ટ્સ અનુસાર, તે હાલમાં ફિઝિયોથેરાપી કરાવી રહ્યો છે. અય્યર અને બુમરાહની વાપસીથી ટીમ ઈન્ડિયાને ઘણો ફાયદો થશે. ફાસ્ટ બોલર જસપ્રીત બુમરાહ અને બેટ્સમેન શ્રેયસની વાપસીથી ટીમ ઈન્ડિયાને ઘણો ફાયદો થશે. એશિયા કપ બાદ ODI વર્લ્ડ કપ ભારતમાં જ રમાવાનો છે. આવી સ્થિતિમાં, બંને ખેલાડીઓ મેગા ટૂર્નામેન્ટમાં ટીમ માટે ખૂબ અસરકારક સાબિત થઈ શકે છે.

Read more : વર્ષ 2100 સુધીમાં વિશ્વમાં વિનાશ સર્જશે વસ્તી, ભારતમાં રહેશે સૌથી વધુ વસ્તી

• TAGS
• ODI
• ODI વર્લ્ડ કપ
• T20

RELATED ARTICLESMORE FROM AUTHOR