વડાપ્રધાન નરેન્દ્ર મોદી બે દિવસીય ઓસ્ટ્રેલિયા પ્રવાસ ખતમ કરીને ગુરુવારે ભારત પરત ફર્યા છે. મોદીની ઓસ્ટ્રેલિયાની મુલાકાત સમયે જ ઓસ્ટ્રેલિયન સંસદમાં એમ્નેસ્ટી ઈન્ટરનેશનલ સહિત કેટલીક સ્થાનિક સંસ્થાઓ તરફથી ભારતમાં પ્રતિબંધિત બીબીસી ડોક્યુમેન્ટ્રી ઈન્ડિયા: ધ મોદી ક્વેશ્ચનનું સ્ક્રીનિંગ કરવામાં આવ્યું. સ્ક્રીનિંગ દરમિયાન ‘ધ ગ્રીન્સ’ પાર્ટીના સાંસદ જોર્ડન સ્ટીલ-જોને કહ્યું કે અમારા વડાપ્રધાન એન્થોની અલ્બેનીઝે પીએમ મોદી સાથેની મુલાકાત દરમિયાન તેમની સાથે ભારતમાં માનવાધિકારના મુદ્દા પર ચર્ચા કરી ન હતી, જેને લઈને તેઓ નારાજ છે. ઓસ્ટ્રેલિયન અખબારના અહેવાલ મુજબ, સાંસદે કહ્યું છે કે એન્થોની અલ્બેનીઝે પીએમ મોદી સાથે ભારતમાં માનવાધિકાર અંગે ચર્ચા કરી નથી પરંતુ તેમણે ઓસ્ટ્રેલિયાની નિષ્ફળતાઓ માટે તેમની ટીકા સાંભળવા માટે તૈયાર રહેવું જોઈએ. મંગળવારે સિડની ઓલિમ્પિક પાર્કમાં 20 હજારથી વધુ પ્રવાસીઓએ PM મોદીનું ઉષ્માભર્યું સ્વાગત કર્યું. આ દરમિયાન અલ્બેનીઝે પીએમ મોદીને બોસ કહીને સંબોધ્યા હતા. બીજા દિવસે, બુધવારે, બંને નેતાઓએ ભારતીય ધ્વજના રંગોમાં રંગાયેલા સિડની ઓપેરા હાઉસની સામે ફોટોગ્રાફ્સ માટે પોઝ આપ્યો હતો.
ઓસ્ટ્રેલિયન સંસદમાં બીબીસી ડોક્યુમેન્ટ્રીનું સ્ક્રીનિંગ
ઓસ્ટ્રેલિયાની સંસદમાં પીએમ મોદી પર બીબીસીની એક વિવાદાસ્પદ ડોક્યુમેન્ટ્રી બતાવવામાં આવી હતી, જેમાં માત્ર 50 લોકોએ ભાગ લીધો હતો. વી ધ ડાયસ્પોરા દ્વારા CARE, હિંદુઝ ફોર હ્યુમન રાઈટ્સ, એમ્નેસ્ટી ઈન્ટરનેશનલ,પેરિયાર આંબેડકર થોટ્સ સર્કલ-ઓસ્ટ્રેલિયા (PATC-A) અને ધ હ્યુમનિઝમ પ્રોજેક્ટ સહિત અનેક માનવાધિકાર સંસ્થાઓના સહયોગ માં આ ડોક્યુમેન્ટ્રીના સ્ક્રીનિંગનું આયોજન કરવામાં આવ્યું હતું. ભારત સરકારે બીબીસી ડોક્યુમેન્ટ્રી પર પ્રતિબંધ મૂક્યો છે. સરકારે આ ડોક્યુમેન્ટ્રી વિશે કહ્યું છે કે વસ્તુઓને નિષ્પક્ષ રીતે બતાવવામાં આવી નથી. “માનવ અધિકારોના મુદ્દે પશ્ચિમી દેશો બેવડા ધોરણો અપનાવે છે”
ડોક્યુમેન્ટ્રીના સ્ક્રીનિંગ દરમિયાન, ઓસ્ટ્રેલિયન સંસદમાં માંગ કરવામાં આવી હતી કે અલ્બેનીઝે પીએમ મોદી સાથે ભારતમાં થઈ રહેલા માનવાધિકાર ઉલ્લંઘન અને પ્રેસની સ્વતંત્રતા ઘટાડવાના આરોપો અંગે ચર્ચા કરવી જોઈએ. એમપી સ્ટીલ જોને કહ્યું કે પશ્ચિમી દેશો માનવ અધિકારના મુદ્દે વારંવાર બેવડા ધોરણો અપનાવે છે. તેમણે સંસદને કહ્યું કે અલ્બેનીઝ પ્રત્યેની તેમની નિરાશા ગુસ્સામાં બદલાઈ ગઈ જ્યારે તેમણે પીએમ મોદી સાથેની તેમની મુલાકાત દરમિયાન માનવ અધિકારનો મુદ્દો ઉઠાવ્યો ન હતો. તેમણે કહ્યું, ‘અમે ભારત સાથેના અમારા સંબંધોને ખૂબ મહત્ત્વ આપીએ છીએ… પરંતુ અમે આ સંબંધમાં ટીકા માટે પણ સ્થાન મેળવવા માંગીએ છીએ… જેમ કે ભારતમાં માનવ અધિકારની સ્થિતિ વિશે, અને બદલામાં અમે અમારી ટીકા સાંભળવા માટે પણ તૈયાર છીએ.’ ‘ભારત સાથે આપણી મિત્રતા સત્ય પર આધારિત હોવી જોઈએ’ ડોક્યુમેન્ટ્રીના સ્ક્રીનિંગ સમયે સંસદમાં હાજર રહેલા ગ્રીન્સ પાર્ટીના સાંસદ ડેવિડ શૂબ્રિજએ સ્ક્રીનિંગ પહેલા કહ્યું કે ભારત સાથે ઓસ્ટ્રેલિયાના સંબંધો સત્ય પર આધારિત હોવા જોઈએ. તેમણે કહ્યું, ‘અમે સ્પષ્ટ કરી દીધું છે કે ભારત અને ઓસ્ટ્રેલિયા વચ્ચે ખૂબ જ મજબૂત સંબંધ છે અને હોવા જોઈએ, પરંતુ આ મિત્રતામાં સત્ય હોવું જોઈએ. અમે સતત કહીએ છીએ કે ઓસ્ટ્રેલિયા સરકારે ત્યાંના માનવ અધિકારોની નબળી સ્થિતિ, પ્રેસની સ્વતંત્રતાના અભાવનો મુદ્દો ભારત સરકાર સાથે વાતચીતમાં ઉઠાવવો જોઈએ.’ ભારતમાં બીબીસી ડોક્યુમેન્ટરી પર પ્રતિબંધનો ઉલ્લેખ કરતા તેમણે કહ્યું, “જો બીબીસી ડોક્યુમેન્ટરી ભારતમાં બતાવી શકાતી નથી, તો તેને અહીં બતાવવી જોઈએ…. લોકશાહીના હાર્દ ઓસ્ટ્રેલિયામાં.”
જ્યારે અલ્બેનીઝે પત્રકારોની કરી દીધી બોલતી બંધ
બુધવારે સવારે ઓસ્ટ્રેલિયન મીડિયાએ પણ અલ્બેનીઝને તીખા પ્રશ્નો પૂછ્યા અને કહ્યું કે શું તેમને નથી લાગતું કે પીએમ મોદી સરમુખત્યાર પ્રકારના નેતા છે? જવાબમાં અલ્બેનીઝે કહ્યું કે ભારત વિશ્વનું સૌથી મોટું લોકતંત્ર છે અને પીએમ મોદીએ તેમના કાર્યકાળ દરમિયાન ભારતમાંથી ગરીબી ઘટાડવાનો પ્રયાસ કર્યો છે અને ભારતીયો માટે તકો વધારી છે. પીએમ મોદીનો બચાવ કરતા તેમણે કહ્યું, ‘આપણે ભારતમાં જે વિકાસ જોયો છે તે અદ્ભુત છે અને પીએમ મોદી ખરેખર ખૂબ જ લોકપ્રિય છે… ભારત એક લોકશાહી છે પરંતુ તેઓ મોટાભાગના લોકોમાં લોકપ્રિય છે.’ અલ્બેનીઝને એ પણ પૂછવામાં આવ્યું કે પીએમ મોદી પર તેમના રાજકીય વિરોધીઓને દબાવવાનો આરોપ છે, તેમના પર મીડિયાને દબાવવાનો આરોપ છે, તેમના પર મુસ્લિમો સાથે ભેદભાવ કરવાનો આરોપ છે, શું આમાંથી કોઈ પણ આરોપ અલ્બેનીઝને પરેશાન કરે છે? જવાબમાં અલ્બેનીઝે કહ્યું, ‘અહીં ઓસ્ટ્રેલિયામાં લોકોને શાંતિપૂર્ણ રીતે અભિવ્યક્તિ કરવાનો અધિકાર છે… અને આપણે બધા રાજકારણમાં લોકો વિશે જુદા જુદા વિચારો ધરાવીએ છીએ. ઓસ્ટ્રેલિયા, અલબત્ત, હંમેશા માનવ અધિકાર માટે ઉભું રહ્યું છે, ભલે તે વિશ્વમાં ક્યાંય પણ હોય.’
ભારત આવીને પીએમ મોદીએ ઓસ્ટ્રેલિયાના વિપક્ષના વખાણ કર્યા
પીએમ મોદી ઓસ્ટ્રેલિયાના પ્રવાસથી ગુરુવારે સવારે દિલ્હીના પાલમ એરપોર્ટ પર પહોંચ્યા જ્યાં બીજેપી અધ્યક્ષ જેપી નડ્ડાની આગેવાનીમાં પાર્ટીના નેતાઓ અને કાર્યકરોએ તેમનું સ્વાગત કર્યું. ભાજપના નેતાઓ અને કાર્યકરોને સંબોધતા તેમણે તેમના વિદેશ પ્રવાસની વાર્તાઓ સંભળાવી. આ દરમિયાન વિપક્ષ પર નિશાન સાધતા તેમણે ઓસ્ટ્રેલિયાના વિપક્ષના વખાણ કર્યા. તેમણે કહ્યું કે સિડનીમાં ભારતીય પ્રવાસીઓના કાર્યક્રમ દરમિયાન માત્ર ઓસ્ટ્રેલિયાના વડાપ્રધાન જ ત્યાં હાજર ન હતા પરંતુ વિરોધ પક્ષોના સાંસદોએ પણ તેમાં ભાગ લીધો હતો. નોંધપાત્ર રીતે, 20 વિપક્ષી પાર્ટીઓએ 28 મેના રોજ યોજાનાર નવા સંસદ ભવનનાં ઉદ્ઘાટન સમારોહનો બહિષ્કાર કર્યો છે. આ પક્ષોનું કહેવું છે કે પીએમએ નવા સંસદ ભવનનું ઉદ્ઘાટન ન કરવું જોઈએ. આ સંદર્ભમાં પીએમએ કહ્યું કે ઓસ્ટ્રેલિયામાં વિપક્ષી પાર્ટીના સાંસદોએ પણ તેમના માટે આયોજિત કાર્યક્રમમાં ભાગ લીધો હતો.
તેમણે કહ્યું, ‘આ લોકશાહીની શક્તિ છે. ભારતીય સમુદાયના કાર્યક્રમમાં સૌએ સાથે મળીને ભાગ લીધો હતો.’ આ પ્રસંગે બોલતા વિદેશ મંત્રી એસ જયશંકરે કહ્યું, ‘પાપુઆ ન્યુ ગિનીના વડાપ્રધાને કહ્યું કે પીએમ મોદી તેમના માટે વિશ્વ ગુરુ છે. ઓસ્ટ્રેલિયાના વડાપ્રધાને PM મોદીને બોસ કહ્યા. PM મોદીના નેતૃત્વના કારણે આજે દુનિયા એક નવું ભારત જોઈ રહી છે.’
વધુમાં વાંચો… બાગેશ્વર ધામ સરકાર ધીરેન્દ્ર શાસ્ત્રી અમદાવાદ પહોંચ્યા, એરપોર્ટ-અમરાઈવાડીમાં ભવ્ય સ્વાગત
બાગેશ્વર ધામના પીઠાધીશ્વર પંડિત ધીરેન્દ્ર શાસ્ત્રી અમદાવાદ શહેર પહોંચ્યા છે. તેમના સ્વાગત માટે મોટી સંખ્યામાં ભક્તો અમદાવાદ એરપોર્ટ પર હાજર રહ્યા હતા. અમદાવાદના એરપોર્ટ પર પંડિત ધીરેન્દ્ર શાસ્ત્રીનું ભવ્ય સ્વાગત કરવામાં આવ્યું હતું. ફૂલહાર પહેરાવી પંડિત ધીરેન્દ્ર શાસ્ત્રીનું ભક્તોએ સ્વાગત કર્યું હતું. ધીરેન્દ્ર શાસ્ત્રીના સ્વાગત કાર્યક્રમને લઈ ચુસ્ત સુરક્ષા બંદોબસ્ત કરવામાં આવ્યો છે.
અમરાઈવાડીમાં પણ ભવ્ય સ્વાગત કરાયું. મળતી માહિતી મુજબ, ચાર્ટર્ડ પ્લેનથી પંડિત ધીરેન્દ્ર શાસ્ત્રી મધ્યપ્રદેશથી અમદાવાદ આવ્યા છે. અમદાવાદ એરપોર્ટ પર ભવ્ય સ્વાગત બાદ બાગેશ્વર બાબા અમરાઇવાડીમાં યજમાન અને અમરાઈવાડીના પૂર્વ કોર્પોરેટર અરવિંદ ચૌહાણના ભાઈ જુનગીભાઈના ઘરે પહોંચ્યા હતા, જ્યાં પણ તેમનું ભવ્ય સ્વાગત કરવા માટે લોકોનો હુજુમ જોવા મળ્યો હતો. એરપોર્ટથી અમરાઈવાડી આવતા રસ્તા પર તેમને જોવા માટે મોટી સંખ્યામાં ભક્તો ઉમટી પડ્યા હતા. ધીરેન્દ્ર શાસ્ત્રીએ કારમાંથી બહાર નીકળી લોકોનું અભિવાદન ઝીલ્યું હતું. અમરાઈવાડીથી તેઓ વટવા જવા રવાના થયા છે. ચાણક્યપુરી વિસ્તારમાં શક્તિચોક ખાતે દિવ્ય દરબાર યોજાશે. વટવામાં તેઓ ઠાકુર દેવકીનંદનના નિવાસસ્થાને પહોંચશે અને ત્યાં બપોરનું ભોજન કરશે. ત્યાર બાદ તેઓ શિવ મહાપુરાણ કથામાં હાજરી આપશે. જણાવી દઈએ કે, 26 અને 27 મેના રોજ સુરતમાં પંડિત ધીરેન્દ્ર શાસ્ત્રીનો દિવ્ય દરબાર યોજાશે. ત્યાર બાદ 29 અને 30 મેના રોજ અમદાવાદના ચાણક્યપુરી વિસ્તારમાં આવેલા શક્તિચોક ખાતે તેમનો દિવ્ય દરબાર યોજાશે. અમદાવાદ બાદ 1 અને 2 જૂનના રોજ રાજકોટના રેસકોર્સ ખાતે તેમનો દિવ્ય દરબાર યોજાશે. અમદાવાદમાં પંડિત ધીરેન્દ્ર શાસ્ત્રીના દિવ્ય દરબાર કાર્યક્રમને લઈ તંત્ર દ્વારા તૈયારીઓને આખરી ઓપ આપવામાં આવી રહી છે. તેમના દરબારમાં મોટી સંખ્યામાં લોકો હાજરી આપશે તેને ધ્યાને લઈ બેઠક વ્યવસ્થા અને પીવાના પાણી સહિતની સુવિધા ઊભી કરવામાં આવી રહી છે. ઉપરાંત, સુરક્ષાને લઈને પણ પોલીસ જવાન, ખાનગી સિક્યોરિટીના જવાનોની તહેનાતી કરાશે.
વધુમાં વાંચો… લગ્નમાં ડી.જે. મામલે ભાભરમાં ઠાકોર સમાજના સમુહલગ્નમાં ધારાસભ્ય ગેનીબેન ઠાકોરે કરી મહત્વની અપીલ
ભાભરમાં ઠાકોર સમાજના સમુહલગ્નમાં ધારાસભ્ય ગેનીબેન ઠાકોર દ્વારા ડી.જે. મામલે મહત્વની અપીલ કરવામાં આવી છે. ડી.જે. પર પ્રતિબંધ મુકવો જોઈએ તેમ તેમણે કહ્યું હતું. લગ્ન પ્રસંગમાં કોંગ્રેસના ધારાસભ્યએ ડી.જે. વગાડવા પર પ્રતિબંધ લાદવાની અપીલ કરી છે. ડી.જે. વગાડીને કલાકારો સંસ્કૃતિ વગરના ગીતો ગાઈને નાચે છે. ડી.જે.માં આમંત્રણ વગરના લોકો પણ આવે છે. ગેનીબેન ઠાકોરે વાત કરી હતી કે, દીકરીની આબરુ અને સુરક્ષા ઈચ્છતા હોવ તો ડી.જે. ન લાવો તેમ ગેનીબેન ઠાકોરે કહ્યું હતું. આ સાથે જ ધારાસભ્યએ ડી.જે. વગાડવા પર પ્રતિબંધ લાદવાની પણ અપીલ કરી છે. ભાભરના ધારાસભ્યએ ફરી એકવાર જાહેર મંચ પરથી અપીલ કરી છે. અગાઉ એક સપ્તાહ પહેલા પણ તેમણે બનાસકાંઠા વિસ્તાર માં અપીલ કરતા લગ્નપ્રસંગોમાં ડીજે પર સંપૂર્ણ પ્રતિબંધ મૂકવા અપીલ કરી હતી. કોંગ્રેસના વાવના ધારાસભ્ય ગેનીબેન ઠાકોરે સમાજના વડીલોને ટકોર કરી હતી. સમાજના દિકરા કે દીકરીઓએ ડીજે વગર લગ્ન નથી કરતા તેમ ગેનીબેન ઠાકોરે કહ્યું હતું. ડીજે વગર લગ્નના ફેરા ફરવા માટે તેઓ ના પાડતા હોય છે. ડીજેની જીદ કરતા દીકરા અને દીકરીઓને માતા-પિતાએ સમજાવવા જોઈએ. ભાભરના ઈન્દરવા ગામમાં કાર્યક્રમ દરમિયાન ગેનીબેન ઠાકોરે અગાઉ પણ અપીલ કરી હતી ત્યારે ફરી એકવાર તેમણે ડી.જે. મામલે આ અપીલ કરી છે.
ઉલ્લેખનીય છે કે, કેટલાક સમાજો સામે ચાલીને ડીજે પર પ્રતિબંધ લગ્નોમાં લાવવામાં માંગે છે ત્યારે આ મામલે ધારાસભ્યએ પણ લોકોને અપીલ કરતા આ વાત કહી હતી.
વધુમાં વાંચો… ૫૭૫ જેટલી પેટીઓ સાથે ટાટા કંપનીનું લેનેન આર્ટીક્યુ લેટેડ કન્ટેનર પકડી પાડી રૂા. ૧૩ લાખનું કન્ટેનર તથા રૂા. ૫૦૦૦ની કિંમતનો મોબાઈલ મળી રૂા. ૪૨,૪૯,૨૦૦ની કિંમતના મુદ્દામાલ સાથે કન્ટેનરના ચાલકની અટક કરી
દાહોદ તાલુકાના કતવારા પોલિસે રાતના સમયે ખંગેલા ચેકપોસ્ટ પરથી નાકાબંધી દરમ્યાન રૂા. ૨૯.૪૪ લાખ ઉપરાંતની કિંમતની વિદેશી દારૂની ૫૭૫ જેટલી પેટીઓ સાથે ટાટા કંપનીનું લેનેન આર્ટીક્યુ લેટેડ કન્ટેનર પકડી પાડી રૂા. ૧૩ લાખનું કન્ટેનર તથા રૂા. ૫૦૦૦ની કિંમતનો મોબાઈલ મળી રૂા. ૪૨,૪૯,૨૦૦ની કિંમતના મુદ્દામાલ સાથે કન્ટેનરના ચાલકની અટક કરી ચાલક સહીત કુલ ચાર જણા વિરૂધ્ધ પ્રોહીનો ગુનો નોંધી આગળની કાર્યવાહી હાથ ધરી છે.
આર.જે. ૧૯ જી.ઈ-૧૩૨૧ નંબરના ટાટા કંપનીના સલેનન આર્ટીક્યુલેટેડ કન્ટેનરમાં મધ્યપ્રદેશ બાજુથી વિદેશી દારૂનો જંગી જથ્થો મુંદ્રા લઈ જવાનો હોવાની કતવારા પી.એસ.આઈ એ.પી.પરમારને બાતમી મળી હતી. જે બાતમીને આધારે કતવારા પી.એસ.આઈ પરમાર પોતાના સ્ટાફના માણશોને સાથે રાખી રાત્રીના સાડા દશ વાગ્યાના સુમારે ખંગેલા ચેકપોસ્ટ પર નાકાબંધી કરી પોતાના શિકારની રાહ જાેઈ રહ્યા હતા તે દરમ્યાન બાતમીમાં દર્શાવેલ રાજસ્થાન પાસીંગનું કન્ટેનર નજીક આવતાં જ પોલિસે તે કન્ટેનરને રોકી ઘેરી લીધું હતું અને કન્ટેનરમાં તલાસી લઈ રૂા. ૨૯,૪૪,૨૦૦ની કુલ કિંમતના ભારતીય બનાવટના ઈંગ્લીશ દારૂ રોયલ ચેલેંજર તથા મેકડોવેલની કુલ બોટલ નંગ-૬૯૦૦ ભરેલ પેટીઓ નંગ-૫૭૫ પકડી પાડી કન્ટેનરના ચાલક રાજસ્થાનના બોડમેર જિલ્લાના બેરીવાલા તલા ગામના મોહનલાલ પુરખા રામ ડુડીની અટક કરી તેની પાસેથી રૂા. ૫૦૦૦ની કિંમતનો મોબાઈલ પકડી પાડી સદર દારૂના જથ્થાની હેરાફેરીમાં ઉપયોગમાં લેવાયેલ રૂા. ૧૩ લાખની કિંમતના કન્ટેનર સહીત રૂા. ૪૨,૪૯,૨૦૦નો મુદ્દામાલ કબજે લઈ સદર દારૂ ક્યાંથી લાવવામાં આવ્યો અને ક્યાં પહોંચાડવામાં આવ્યો તે બાબતની પુછપરછ હાથ ધરવામાં આવી હતી જેના હરીયાણાના રોહતકના અર્જુન રામે વિદેશી દારૂ સાથેનું કન્ટેનર ચાલકને આપ્યું હોવાનું જણાવ્યું હતું અને સદર દારૂનો જથ્થો મંગાવનાર મુંદ્રાના ઈસમનું નામ સરનામું જાણવા મળ્યું ન હતું કારણ કે પ્રેમવીર નામનો ઈસમ જ્યાં ફોન કરે ત્યાં આપી આવવા જણાવ્યું હતું.
આ સંબંધે કતવારા પોલિસે કન્ટેનરના ચાલક રાજસ્થાનના બાડમેર જિલ્લાના બેરીવાલા તથા ગામના મોહનલાલ પુરમારામ ડુડી, હરીયાણા રોહતકના અર્જુન રામ સહીત કુલ ચાલ જણા વિરૂધ્ધ પ્રોહીનો ગુનો નોંધી આગળની કાર્યવાહી હાથ ધરી છે.
