03 may 23 : વડા પ્રધાન નરેન્દ્ર મોદીએ દક્ષિણ કન્નડના મૂડબિદ્રી ખાતે જાહેર સભાને સંબોધનની શરૂઆત ‘બજરંગ બલી કી જય’ ના નારા સાથે કરી. આ દરમિયાન તેમણે કહ્યું કે કર્ણાટકને મેન્યુફેક્ચરિંગ હબ બનાવવાનું છે. વડા પ્રધાન નરેન્દ્ર મોદીએ કહ્યું, ‘હું શાંતિ અને સૌહાર્દનો સંદેશ ફેલાવનારા તમામ મઠો, તીર્થંકરો અને સંતોને આદરપૂર્વક નમન કરું છું. આજે ‘સબકા સાથ અને સબકા વિકાસ’ના મંત્ર સાથે આપણે આગળ વધી રહ્યા છીએ, તેમાં તમામ સંતોની જ પ્રેરણા છે.’
વડા પ્રધાન નરેન્દ્ર મોદીએ કહ્યું, ‘જનતા-જનાર્દનના આદેશ મારા માથા પર. છેવટે, આ દેશના 140 કરોડ લોકો જ અમારું રિમોટ કંટ્રોલ છે. 10 મે મતદાનનો દિવસ છે. ભાજપનો સંકલ્પ છે કર્ણાટકને નંબર-1 બનાવવાનો. ભાજપનો સંકલ્પ છે કર્ણાટકમાં આધુનિક ઈન્ફ્રાસ્ટ્રક્ચરનું નિર્માણ કરવાનો. ભાજપનો સંકલ્પ છે કર્ણાટકને મેન્યુફેક્ચરિંગમાં સુપર પાવર બનાવ વાનો. આ અમારો રોડ મેપ છે જ્યારે કોંગ્રેસને તમારો વોટ એટલા માટે જોઈએ છે કારણ કે તે ભાજપની યોજનાઓ અને અહીંના લોકોના વિકાસ માટે કરેલા કામોને પલટાવવા માંગે છે.’ PMએ કહ્યું- કોંગ્રેસ શું ઈચ્છે છે? : વડા પ્રધાને કહ્યું, ‘અમારો પ્રયાસ છે કે કર્ણાટક ઔદ્યોગિક વિકાસમાં નંબર-1 બને, અમારો પ્રયાસ છે કે કર્ણાટક કૃષિ વિકાસમાં નંબર-1 બને, અમારો ઉદ્દેશ્ય એ છે કે કર્ણાટક સ્વાસ્થ્ય અને શિક્ષણમાં નંબર-1 બને. કોંગ્રેસ શું ઈચ્છે છે? કોંગ્રેસ કર્ણાટકને દિલ્હીમાં જે તેમનો ‘શાહી પરિવાર’ બેસેલો છે, એ પરિવારનું નંબર-1 એટીએમ બનાવવા માંગે છે.’ પહેલીવાર વોટ આપવા જઈ રહેલા લોકોને વડાપ્રધાને આપી સલાહ. પીએમ મોદીએ કહ્યું, ‘જે લોકો તેમના જીવનમાં પહેલીવાર મતદાન કરવા જઈ રહ્યા છે તેઓ કર્ણાટકનું ભવિષ્ય નક્કી કરવા જઈ રહ્યા છે. મારા દીકરા-દીકરીઓ જેઓ પહેલીવાર મતદાન કરવા જઈ રહ્યા છે, જો તમારે તમારી કારકિર્દી બનાવવી છે, પોતાના મનનું કામ કરવું છે, તો કોંગ્રેસના રહેતા એ શક્ય નહીં બને. જો કર્ણાટકમાં અસ્થિરતા રહેશે તો તમારું ભવિષ્ય પણ અસ્થિર રહેશે. કોંગ્રેસ કર્ણાટકમાં શાંતિની દુશ્મન છે, વિકાસની દુશ્મન છે. કોંગ્રેસ આતંકના આકાઓને બચાવે છે, તુષ્ટિકરણ વધારે છે.’
વધુમાં વાંચો… મોકા પર માર્યો ચોગ્ગો! ગો ફર્સ્ટ સંકટ વચ્ચે ખોટનો સામનો કરી રહેલી આ એરલાઈન્સે ઉઠાવ્યો જબરદસ્ત ફાયદો…
મંગળવારથી ભારતીય ઉડ્ડયન ઉદ્યોગમાં અપશુકન ચાલુ છે. દેશમાં ઉડ્ડયન સેવાઓ પૂરી પાડતી ઉડ્ડયન કંપની ગો ફર્સ્ટ લગભગ નાદાર બની ગઈ છે. કંપનીએ આજથી 5 મે સુધી તેની તમામ ઉડ્ડયન સેવાઓ બંધ કરવાનો નિર્ણય લીધો છે. હાલમાં, તે સ્પષ્ટ નથી કે કંપની 5 મે પછી પણ ફરીથી ઉભી થઈ શકશે કે નહીં. કંપનીના આ નિર્ણયથી મુસાફરો પરેશાન છે. જ્યાં અગાઉ વેકેશનના સમયમાં એર ટિકિટો આસમાને હતી, ત્યાં આ કટોકટીના કારણે ભાવમાં વધારે ઉછાળો આવી ગયો છે.
પરંતુ એક કંપનીની આફત બીજી કંપનીની તક બની ગઈ છે. કટોકટીના આ સમયમાં ખોટમાં ચાલી રહેલી એરલાઇન સ્પાઇસજેટે મોકા પર ચોગો માર્યો છે. SpiceJet એ GoFirst કટોકટી વચ્ચે હાલમાં ગ્રાઉન્ડ થયેલ તેના 25 એરક્રાફ્ટને ફરીથી ઉડાડવાનો નિર્ણય કર્યો છે. સ્પાઈસ જેટના આ વિમાન આઉટ ઓફ સર્વિસ છે. હાલમાં સ્પાઈસ જેટ એરક્રાફ્ટના રિવા ઈવલનો ખર્ચ સરકારની ઈમરજન્સી ક્રેડિટ લાઈન ગેરંટી સ્કીમમાંથી લેવાની તૈયારી કરવામાં આવી રહી છે. આ માટે તેણે લગભગ 400 કરોડ રૂપિયા મેળવ્યા છે. આ ગ્રાઉન્ડેડ એર ક્રાફ્ટ ફરી શરૂ થવાથી એરલાઇનની આવકમાં વધારો થવાની અપેક્ષા છે. ગો ફર્સ્ટ કટોકટીના કારણે ફ્લાઈટ્સની માંગ વધી.ગો ફર્સ્ટનું કામકાજ બંધ થવાના કારણે મુસાફરોની સામે સંકટ આવી ગયું છે. ઈમરજન્સીમાં અન્ય ફ્લાઈટમાં ટિકિટ મેળવવા માટે મુસાફરો દોડી રહ્યા છે. આવી સ્થિતિમાં, એવું માનવામાં આવે છે કે સ્પાઇસજેટને તેના મુસાફરોની સંખ્યા વધારવામાં મદદ મળી શકે છે. જો GoFirstની મુશ્કેલીઓ આગામી દિવસોમાં ચાલુ રહેશે, તો સ્પાઇસજેટ ઉનાળાની રજાઓ અને તહેવારોની સિઝનમાં સારો નફો કરે તેવી અપેક્ષા છે. સ્પાઈસ જેટના એમડી અજય સિંહે એક નિવેદનમાં જણાવ્યું કે અમે અમારા ગ્રાઉન્ડેડ એરક્રાફ્ટને જલ્દીથી ઉડાન પર પાછા લાવવા માટે જોરશોરથી કામ કરી રહ્યા છીએ. અમે દરેક પગલું સાવધાનીથી લઈ રહ્યા છીએ. અજય સિંહે જણાવ્યું કે , એરલાઇન દ્વારા પ્રાપ્ત મોટા ભાગના ECLGS ભંડોળનો ઉપયોગ આ જ હેતુ માટે કરવામાં આવશે. આ થવાથી અમે આવનારી પીક ટ્રાવેલ સીઝનનો લાભ ઉઠાવી શકીશું.
વધુમાં વાંચો… મિશન 2024 માટે ભાજપનો નવો ગેમ પ્લાન! મુંબઈમાં આજે 1200 સભ્યોની નવી ટીમની જાહેરાત કરવામાં આવશે…
2024ની વિધાનસભા ચૂંટણીને લઈને રાજકીય આંદોલનો તેજ બન્યા છે. તેની અસર રાજ્યમાં પણ જોવા મળી રહી છે. મહારાષ્ટ્ર ભાજપે 2024ની તૈયારીઓ શરૂ કરી દીધી છે. જેને લઈને ભાજપ આજે મુંબઈમાં પ્રદેશ કાર્યકારિણીની જાહેરાત કરશે. જણાવી દઈએ કે કાર્યકારિણીમાં 1200 સભ્યોની નવી ટીમની જાહેરાત કરવામાં આવશે. મળતી માહિતી મુજબ, મિશન 2024ને ધ્યાનમાં રાખીને રાજ્યમાં આજથી અમૃત કુંભ અભિયાન શરૂ કરવામાં આવશે. આ અભિયાન વરિષ્ઠ કાર્યકરો માટે શરૂ કરવામાં આવી રહ્યું છે. આ ઉપરાંત 15 મે સુધીમાં જિલ્લા પ્રમુખોની નવી ટીમની રચના કરવામાં આવશે. તમને જણાવી દઈએ કે આ માહિતી પ્રદેશ ભાજપ અધ્યક્ષ ચંદ્રશેખર બાવનકુલેએ આપી છે.
કેન્દ્ર અને રાજ્યના નેતાઓ સામેલ થશે. પાર્ટીના પ્રદેશ અધ્યક્ષ ચંદ્રશેખર બાવનકુલેના જણાવ્યા અનુસાર, ભારતીય જનતા પાર્ટીની કાર્યકારિણી સમિતિની આજે જાહેરાત કરવામાં આવશે. મળતી માહિતી મુજબ, પાર્ટીની નવી ટીમમાં લગભગ 1200 સભ્યો હશે, જેમાં કેન્દ્ર અને રાજ્યના નેતાઓને ખાસ આમંત્રિત કરવામાં આવ્યા છે. પાર્ટીની કાર્યકારિણીમાં 105 પદાધિકારીઓ, 250 ખાસ આમંત્રિત ધારાસભ્યો, સાંસદો, 750 આમંત્રિત સભ્યો, 1100 થી 1200 નેતાઓની કાર્યકારિણી ટીમ હશે. આ ઉપરાંત 15 મે સુધીમાં જિલ્લા પ્રમુખોની નવી ટીમ પણ બનાવવામાં આવશે.2024ની વિધાનસભા ચૂંટણીની તૈયારીઓ કરવામાં આવી રહી છે. ભાજપ અધ્યક્ષે કહ્યું કે નવી કાર્યકારિણી દ્વારા આગામી વર્ષ 2024ની વિધાન સભા ચૂંટણીમાં ભાજપ જીત નોંધાવશે. ભારતીય જનતા પાર્ટી અને શિવસેનાએ લોકસભાની તમામ 48 બેઠકો અને વિધાનસભાની 200થી વધુ બેઠકો જીતવાનું લક્ષ્ય રાખ્યું છે. બીજેપી અધ્યક્ષે કહ્યું કે પાર્ટી રાજ્યની તમામ 288 વિધાનસભા મતવિસ્તારોમાં સંકલન પણ નિયુક્ત કરશે. તેવી જ રીતે અમૃત કુંભ અભિયાન શરૂ કરીને પાર્ટીના વરિષ્ઠ નેતાઓને પણ સામેલ કરશે. તેમણે વધુમાં કહ્યું કે નાનાસાહેબ ઉત્તમરાવ પાટીલ જનસંઘના સમયથી કામ કરતા વરિષ્ઠ કાર્યકરો અને નેતાઓ માટે અમૃતકુંભ અભિયાન શરૂ કરી રહ્યા છે. દરેક જિલ્લામાંથી 1000 થી 1500 વરિષ્ઠ સહભાગીઓ હશે.
