29 Aug 22 : દેશની સૌથી મોટી કંપની રિલાયન્સ ઈન્ડસ્ટ્રીઝની વાર્ષિક સામાન્ય સભા શરૂ થઈ ગઈ છે. રિલાયન્સ ઇન્ડસ્ટ્રીઝના ચેરમેન મુકેશ અંબાણી કંપનીની આ 45મી એજીએમને વીડિયો કોન્ફરન્સિંગ દ્વારા સંબોધિત કરી રહ્યા છે. RILના રોકાણકારોની સાથે સાથે કોર્પોરેટ જગતની નજર પણ રિલાયન્સ ઈન્ડસ્ટ્રીઝની AGM પર ટકેલી છે.

AGMનું સમાપન કરતાં મુકેશ અંબાણીએ કહ્યું- કંપની 2027 સુધીમાં તેનું મૂલ્ય બમણું કરશે – રિલાયન્સ AGMનું સમાપન કરતાં, કંપનીના ચીફ મુકેશ અંબાણીએ કહ્યું છે કે કંપની 2027માં તેના સુવર્ણ દાયકાના અંત સુધીમાં તેનું મૂલ્ય બમણું કરશે. તે પછી પણ આપણો વિકાસ ઝડપી ગતિએ ચાલુ રહેશે.

રિલાયન્સ વીજ ઉત્પાદનમાં ભારતને અગ્રેસર બનાવશે- અંબાણી, મુકેશ અંબાણીએ આ કોન્ફરન્સમાં કહ્યું કે,અમારો નવો એનર્જી બિઝનેસ ભારત ને ગ્રીન એનર્જીના ચોખ્ખા નિકાસકાર બનવામાં મદદ કરશે. સૌથી અગત્યનું,રિલાયન્સ ભારતને નવી ઉર્જા ઉત્પાદનમાં વિશ્વ અગ્રણી અને ચીનનો વિશ્વ સનીય વિકલ્પ બનાવવા માંગે છે.

સોલર પીવી મેન્યુફેક્ચરિંગ ફેક્ટરી 2024 થી ઉત્પાદન શરૂ કરશે – મુકેશ અંબાણીએ એજીએમ દરમિયાન જણાવ્યું હતું કે, અમે સોલાર પીવી મેન્યુ ફેક્ચરિંગ માટે આરઈસી સોલર હસ્તગત કર્યું છે. જામનગરમાં અમારી 10GW સોલર PV સેલ અને મોડ્યુલ ફેક્ટરી, REC ટેક્નોલોજી પર આધારિત, 2024 સુધીમાં ઉત્પાદન શરૂ કરશે અને 2026 સુધીમાં 20GW ક્ષમતા સુધી વધશે.

અંબાણીએ પાવર ઇલેક્ટ્રોનિક્સ માટે નવી ગીગા ફેક્ટરીની જાહેરાત કરી- એજીએમ દરમિયાન મુકેશ અંબાણીએ જણાવ્યું હતું કે ગયા વર્ષે મેં જામનગરમાં ધીરુભાઈ અંબાણી ગ્રીન એનર્જી ગીગા કોમ્પ્લેક્સ બનાવવાની ચાર ગીગા ફેક્ટરીઓ સ્થાપવાની જાહેરાત કરી હતી. આજે, હું પાવર ઇલે ક્ટ્રોનિક્સ માટે અમારી નવી GIGA ફેક્ટરીની જાહેરાત કરવા માંગુ છું.

રિલાયન્સ રિટેલના વેપારી ભાગીદારોની સંખ્યા 20 લાખને પાર કરી ગઈ છે – રિલાયન્સ રિટેલની વ્યૂહરચના લાખો નાના વેપારીઓ સાથે જોડાવા અને તેમને સમૃદ્ધ થવા માટે પ્લેટફોર્મ પૂરું પાડવાની છે. બે વર્ષ પહેલાં તેની શરૂઆત થઈ ત્યારથી, તેણે વેપારી ભાગીદારોનો આધાર વધારીને 2 મિલિ. ભાગીદારો સુધી પહોંચાડ્યો છે.

અલ્ટ્રા હાઇ સ્પીડ ફિક્સ્ડ બ્રોડબેન્ડ 5G સેવા હશે – Jioની 5G સર્વિસનું પ્રેઝન્ટેશન આપતાં આકાશ અંબાણીએ કહ્યું કે તેની સૌથી રસપ્રદ વાત એ હશે કે તે અલ્ટ્રા હાઇ સ્પીડ ફિક્સ્ડ બ્રોડબેન્ડ છે. આના દ્વારા દેશભરના દરેક વર્ગખંડમાં ઉચ્ચ ગુણવત્તાની શૈક્ષણિક સામગ્રી ઉપલબ્ધ થશે.