13 May 23 : આજકાલ સ્માર્ટફોનનો ઉપયોગ ઝડપથી વધી રહ્યો છે. આમાં ઘણી પ્રકારની સર્વિસ અને એપ્સ છે,જે ઘણા પ્રકારની પરમિશન લે છે. આવી ઘણી એપ્સ છે જે લોકેશન, માઇક્રોફોન અને કેમેરાની પરમિશન લે છે. આવી સ્થિતિમાં, આ એપ્સ આપણે ક્યાં જઈ રહ્યા છીએ, કોની સાથે વાત કરી રહ્યા છીએ અને આ બધી બાબતોને ટ્રેક કરી શકે છે. આ આપણી સિક્રસીનું જોખમ ઘણું વધારે છે. આવી સ્થિતિમાં તમારા માટે એ જાણવું ખૂબ જ જરૂરી છે કે આ એપ્સ ક્યારે તમારી વાત માઇક્રોફોન દ્વારા સાંભળી રહી છે. જો કોઈ એપ કેમેરાનો ઉપયોગ કરી રહી છે, તો iPhone યુઝર્સને નોટિફિકેશન બારમાં ગ્રીન ડોટ દેખાશે. જ્યારે કેમેરા ઈન્ડિકેટર લેટેસ્ટ એન્ડ્રોઈડ વર્ઝનમાં દેખાય છે. અને જો કોઈ એપ્લિકેશન માઇક્રોફોનનો ઉપયોગ કરી રહી છે, તો iPhone યુઝર્સને ઓરેન્જ ડોટ દેખાશે અને Android યુઝર્સને એક ઇન્ડીકેટર દેખાશે.
કરો આ ઉપાય. Androidમાં માઇક્રોફોન કેવી રીતે બંધ કરવું. જો તમે એન્ડ્રોઇડ યુઝર છો, તો તમારે ફક્ત સેટિંગ્સમાં જવું પડશે અને Security And Privacy ઓપ્શન પર જવું પડશે. આ પછી તમારે પ્રાઈવસી પર ટેપ કરવાનું રહેશે. ત્યારપછી તમને અહીંથી ખબર પડશે કે કઈ એપ કેમેરા અને માઇક્રોફોનની એક્સેસ ધરાવે છે. તમે ઇચ્છો તે કોઈપણ એપ્લિકે શનમાંથી ઍક્સેસ દૂર કરી શકો છો. વધુમાં, તમે એક જ વારમાં સમગ્ર ફોનમાંથી માઇક્રોફોન અને કેમેરાની ઍક્સેસને દૂર કરી શકો છો. iOS યુઝર્સે એપ્સમાંથી પરમિશન પાછી ખેંચવા અથવા દૂર કરવા માટે સેટિંગ્સમાં જવું પડશે. આ પછી, સંબંધિત એપ પર જઈને, માઇક્રોફોનનું ટોગલ બંધ કરવું પડશે. તમે સેટિંગ્સમાં Security And Privacyમાં પણ જઈ શકો છો. આ પછી, યુઝર્સને અહીં માઇક્રોફોનનું લેબલ મળશે. આની મદદથી તમે ઈચ્છો તે કોઈપણ એપમાંથી પરમિશન દૂર કરી શકો છો.
વધુમાં વાંચો… એપ્રિલ 2023-SIAMમાં લોકલ પેસેન્જર વ્હીકલનું સેલિંગ ઐતિહાસિક હાઈ સપાટીએ પહોંચ્યું : સોસાયટી ઓફ ઈન્ડિયન ઓટોમોબાઈલ મેન્યુફેક્ચરર્સ (SIAM )ના વરિષ્ઠ અધિકારીના જણાવ્યા અનુસાર, આ એપ્રિલમાં પેસેન્જર વ્હીકલનું લોકલ સેલિંગ કોઈપણ વર્ષના એપ્રિલમાં સૌથી વધુ રહ્યું છે. એપ્રિલ 2023 માટે ઓટો સેક્ટરના સેલિંગના આંકડા જાહેર કરતા, સિયામના ડાયરેક્ટર જનરલ રાજેશ મેનને જણાવ્યું છે કે એપ્રિલ 2022ની સરખામણીમાં એપ્રિલ 2023માં પેસેન્જર વ્હીકલનું લોકલ સેલિંગ 12.9 ટકાના વધારા સાથે એપ્રિલમાં સૌથી વધુ રહ્યું છે. એપ્રિલ 2023માં પેસેન્જર વ્હીકલનું કુલ લોકલ સેલિંગ 331278 યુનિટ હતું. જ્યારે એપ્રિલ 2023માં લોકલ બજારમાં 293303 પેસેન્જર વ્હીકલનું સેલિંગ થયું હતું. સિયામના પ્રમુખ વિનોદ અગ્રવાલે જણાવ્યું છે કે એપ્રિલ 2022ની સરખામણીએ એપ્રિલ 2023માં પેસેન્જર વ્હીકલ, ટુ-વ્હીલર અને થ્રી-વ્હીલરના તમામ સેગમેન્ટના સેલિંગમાં વધારો નોંધાયો છે. આ સ્પષ્ટપણે દર્શાવે છે કે ઓટો ઉદ્યોગ BS-VI ફેઝ 2 ઉત્સર્જન સ્ટાડર્ડનું સરળતા સાથે પાલન કરવામાં સક્ષમ છે. આપને જણાવી દઇએ કે BS-VI ફેઝ 2 ઉત્સર્જન સ્ટાડર્ડ 1 એપ્રિલ, 2023 થી અમલમાં આવ્યા છે. લોકલ ટુ-વ્હીલરનું સેલિંગ વાર્ષિક ધોરણે 15.1 ટકા વધ્યું. સિયામના ડેટા અનુસાર, લોકલ ટુ-વ્હીલરનું સેલિંગ એપ્રિલમાં વાર્ષિક ધોરણે 15.1 ટકા વધીને 1,338,588 યુનિટ થયું હતું. આ સમયગાળા દરમિયાન થ્રી વ્હીલરનું સેલિંગ વાર્ષિક ધોરણે બે ગણાથી વધુ વધીને 42,885 યુનિટ થયું છે. તે જ સમયે, ક્વાડ્રિસાઇકલનું સેલિંગ 2.3 ગણા વધીને 61 યુનિટ થયું છે.
મોપેડના સેલિંગમાં વાર્ષિક ધોરણે લગભગ 10 ટકાનો ઘટાડો થયો. ટુ-વ્હીલર સેગમેન્ટ વિશે વાત કરીએ તો, સ્કૂટર/સ્કૂટરેટી પેટા-સેગમેન્ટના સેલિંગમાં એપ્રિલમાં વાર્ષિક ધોરણે 19.5 ટકાની વૃદ્ધિ જોવા મળી છે. એપ્રિલમાં આ સેગમેન્ટનું સેલિંગ 464,389 યુનિટ હતું. જ્યારે મોટરસાઇકલ/સ્ટેપ-થ્રુ સેલિંગ આ સમયગાળા દરમિયાન વાર્ષિક ધોરણે 14 ટકા વધ્યું હતું. એપ્રિલમાં આ સેગમેન્ટનું સેલિંગ 839274 યુનિટ હતું. તે જ સમયે, આ સમયગાળા દરમિયાન મોપેડનું સેલિંગ વાર્ષિક ધોરણે લગભગ 10 ટકા ઘટીને 34,925 યુનિટ થયું છે.
વધુમાં વાંચો… ટ્વિટરના નવા CEO બન્યા લિન્ડા યાકારિનો, એલોન મસ્કે કરી જાહેરાત
સોશિયલ મીડિયા પ્લેટફોર્મ ટ્વિટરના સીઈઓ એલોન મસ્કે ઓફિશિયલ રીતે જાહેરાત કરી છે કે લિન્ડા યાકેરિનો ટ્વિટરના નવા સીઈઓ છે. લિન્ડા આગામી અઠવાડિયામાં ટ્વિટર સંભાળશે. મસ્કે જણાવ્યું કે લિન્ડા મુખ્યત્વે બિઝનેસ ઓપરેશન્સ પર ધ્યાન કેન્દ્રિત કરશે, જ્યારે તે પોતે પ્રોડક્ટ ડિઝાઇન અને નવી ટેક્નોલોજી પર ધ્યાન કેન્દ્રિત કરશે. મસ્કે ટ્વિટ કર્યું હતું કે હું ટ્વિટરના નવા સીઈઓ તરીકે લિન્ડા યાકારિનોનું સ્વાગત કરવા માટે ઉત્સાહિત છું. તેણી મુખ્યત્વે વ્યવસાયિક કામગીરી પર ધ્યાન કેન્દ્રિત કરશે જ્યારે હું ઉત્પાદન ડિઝાઇન અને નવી તકનીક પર ધ્યાન કેન્દ્રિત કરીશ. આ પ્લેટફોર્મને નવી ઊંચાઈઓ પર લઈ જવા માટે તમારી સાથે કામ કરવા માટે આતુર છું.
@elonmusk
I am excited to welcome Linda Yaccarino as the new CEO of Twitter! @LindaYacc will focus primarily on business operations, while I focus on product design & new technology. Looking forward to working with Linda to transform this platform into X, the everything app.
મસ્કે ગયા વર્ષે ઓક્ટોબરમાં 44 અબજ ડોલરમાં ટ્વિટર ખરીદ્યું હતું. આ પછી તેણે સીઈઓ પરાગ અગ્રવાલને બહારનો રસ્તો બતાવ્યો. કંપની નવા CEOની શોધમાં વ્યસ્ત હતી. બ્લૂમબર્ગના રિપોર્ટ અનુસાર, ટ્વિટરના સીઈઓનું પદ સંભાળ્યા બાદ મસ્કે ડિસેમ્બરમાં કહ્યું હતું કે નવી વ્યક્તિ મળતા જ તેઓ સીઈઓનું પદ છોડી દેશે. ત્યારબાદ તે ટ્વિટરના સોફ્ટવેર અને સર્વર ટીમને ચલાવશે.
જાણો કોણ છે લિન્ડા યાકારિનો : લિન્ડાની LinkedIn પ્રોફાઇલ મુજબ, તે 2011 થી NBC યુનિવર્સલ સાથે છે. તે હાલમાં ગ્લોબલ એડવર્ટાઈઝીંગ અને પાર્ટનરશીપના ચેરપર્સન તરીકે સર્વિસ આપે છે. આ પહેલા તે કંપનીના કેબલ એન્ટરટેઈનમેન્ટ અને ડિજિટલ એડવર્ટાઈઝીંગ સેલ્સ વિભાગમાં કામ કરતી હતી. લિન્ડાએ ટર્નરમાં 19 વર્ષ સુધી કામ કર્યું. ત્યાં તે એક્ઝિ ક્યુટિવ વાઇસ પ્રેસિડેન્ટ/સીઓઓ એડવર્ટાઇઝિંગ સેલ્સ, માર્કેટિંગ અને એક્વિઝિશન હતી. તે પેન સ્ટેટ યુનિવર્સિટીની વિદ્યાર્થીની હતી. અહીં તેમણે લિબરલ આર્ટ્સ અને કોમ્યુનિકેશન નો અભ્યાસ કર્યો. બિઝનેસ ઈનસાઈડરના રિપોર્ટ અનુસાર, લિંડાએ તેના મિત્રોને કહ્યું હતું કે તે ટ્વિટરની સીઈઓ બનવા માંગે છે. તે મસ્કની સમર્થક છે. તેણે કહ્યું હતું કે માસ્ટને કંપની ચલાવવા માટે સમય આપવો જરૂરી છે. જો કે, આંતરિક અહેવાલોએ દાવો કર્યો હતો કે આગામી સીઇઓ તરીકે એલા ઇરવિન વિશે પણ વાત કરવામાં આવી હતી. ઇરવિન હાલમાં ટ્વિટરના ટ્રસ્ટ અને સલામતી પ્રયાસ વિભાગના વડા છે.
ડોગને બનાવી દીધો હતો CEO. પરાગ અગ્રવાલને કંપનીમાંથી કાઢી મૂકવામાં આવ્યા બાદ મસ્કે નવા સીઈઓની શોધ શરૂ કરી હતી. આ વર્ષે ફેબ્રુઆરીમાં તેણે પોતાના પાલતુ કૂતરા ફ્લોકીને ટ્વિટરનો સીઈઓ બનાવ્યો હતો. આ શિબા ઈનુ જાતિનો કૂતરો છે. તેણે 15 ફેબ્રુઆરીના રોજ એક ટ્વિટ કર્યું હતું, જેમાં તેણે તેના શિબા ઈનુ કૂતરાનો ફોટો પોસ્ટ કર્યો હતો. તેમનો કૂતરો સીઈઓની ખુરશી પર બેઠેલો બતાવવામાં આવ્યો હતો. તેણે કાળું સ્વેટર પહેર્યું હતું, જેના પર CEO લખેલું હતું અને આગળના ટેબલ પર ટ્વિટર CEO સંબંધિત એક ડોક્યુ મેન્ટ રાખવામાં આવ્યો હતો, જેના પર પંજાના નિશાન પણ દેખાતા હતા. મસ્કે ટ્વીટમાં કહ્યું કે તે અન્ય લોકો કરતા વધુ સારો છે.
