ખડગે સામે પહેલો પડકાર – ગેહલોત-પાયલટ ઝઘડાને ખતમ કરવાનો, ગાંધી પરિવાર પણ ગયો નિષ્ફળ

File Image
File Image

27 Oct 22 : એક તરફ સોનિયા ગાંધી અને બીજી તરફ રાહુલ ગાંધીની સાથે ઉભેલા મલ્લિકાર્જુન ખડગેને કોંગ્રેસ અધ્યક્ષનું સર્ટિફિકેટ આપવામાં આવ્યું ત્યારે તેમના ચહેરા પર જવાબ દારીની ભાવના સ્પષ્ટ દેખાતી હતી. તેમનો ચહેરો શાંત હતો અને તેમની આંખોમાં પ્રશ્નો હતા. સ્પષ્ટ છે કે તેઓ તેમની જવાબદારીઓ અને પડકારોથી વાકેફ હતા. તેમની સામે હવે પહેલો પડકાર સચિન પાયલટ અને રાજસ્થાનના મુખ્યમંત્રી અશોક ગેહલોત વચ્ચેના વિવાદને ખતમ કરવાનો છે. ગાંધી પરિવારે આ અંગે ઘણા પ્રયત્નો કર્યા, પરંતુ સ્થિતિ યથાવત્ છે. સોનિયા ગાંધી અને રાહુલ ગાંધી તેમજ પ્રિયંકા ગાંધી દ્વારા બંને જૂથોની સર્વોપરિતાની લડાઈને સમાપ્ત કરવા માટે પહેલ કરવામાં આવી હતી.

ખડગેએ એવા સમયે પદ સંભાળ્યું જ્યારે પાર્ટી તેના ઈતિહાસના સૌથી મુશ્કેલ તબક્કામાંથી પસાર થઈ રહી છે. રાજસ્થાન અને છત્તીસગઢમાં જ પાર્ટીની સરકાર છે. પાર્ટીના લોકસભામાં 53 અને રાજ્યસભામાં 31 સાંસદો છે. ખડગે સામે પહેલો પડકાર પોતાને પક્ષમાં સ્થાપિત કરવાનો છે. ઉદયપુર નવસકંકલ્પ અનુસાર, ખડગેએ સંસ્થામાં પચાસ ટકા પોસ્ટ્સ પચાસ વર્ષથી ઓછી ઉંમરના લોકોને સોંપવાનું વચન આપ્યું છે, પરંતુ તે સરળ નથી. તેનાથી વડીલ નેતાઓની નારાજગી વધી શકે છે. પ્રિયંકા ગાંધી સિવાય કોંગ્રેસ વર્કિંગ કમિટીના તમામ સભ્યોની ઉંમર પચાસ વર્ષથી વધુ છે. ખડગે પોતે 80 વર્ષના છે.

ગુજરાત-હિમાચલની ચૂંટણીનો ઉલ્લેખ કર્યો

અધ્યક્ષ તરીકેના તેમના પ્રથમ ભાષણમાં તેમણે હિમાચલ પ્રદેશ અને ગુજરાત વિધાનસભાની ચૂંટણીનો ઉલ્લેખ કર્યો હતો. પરંતુ, ખરી કસોટી 2023માં કર્ણાટક સહિત નવ રાજ્યોમાં યોજાનારી ચૂંટણીની હશે. કર્ણાટક તેમનું ગૃહ રાજ્ય છે. આવી સ્થિતિમાં કર્ણાટક ચૂંટણીમાં હાર-જીતને તેમના અધ્યક્ષ તરીકેના પ્રદર્શન સાથે જોડીને જોવામાં આવશે.

બધાને એકસાથે રાખવાનો પડકાર

પાર્ટીને એકજૂથ રાખવી પણ મોટો પડકાર છે. થોડા વર્ષોમાં અન્ય વિપક્ષી દળોની સરખામણીમાં કોંગ્રેસના ધારાસભ્યો અને સાંસદોએ સૌથી વધુ પક્ષો બદલ્યાં છે. આવી સ્થિતિમાં કોંગ્રેસને એકજૂથ રાખીને આંતરિક વિખવાદને દૂર કરવો પડશે. આ સાથે 2024ની ચૂંટણી માટે પાર્ટીને તૈયાર કરવાની અને વિપક્ષોને એક કરવાની જવાબદારી પણ ખડગે પર છે.

ગેહલોત-પાયલોટ વિવાદ : રાજસ્થાનમાં મુખ્યમંત્રી અશોક ગેહલોત અને સચિન પાયલટ વચ્ચેના ઝઘડાને ખતમ કરવાનો પણ મલ્લિકાર્જુન ખડગે માટે પડકાર હશે. રાજસ્થાનમાં આવતા વર્ષે વિધાનસભાની ચૂંટણી છે. આ સાથે પાર્ટીના નેતાઓ અને કાર્યકરોનો વિશ્વાસ જીતીને પાર્ટીની અંદર સંવાદની પ્રક્રિયા પુનઃસ્થાપિત કરવી પડશે.

જવાબદારી સંભાળ્યા પછી તરત જ કરી બેઠક : ખડગેએ કોંગ્રેસ અધ્યક્ષનું પદ સંભાળતાની સાથે જ કામકાજ શરૂ કરી દીધું છે. ગુજરાત વિધાનસભા ચૂંટણીના ઉમેદવારો નક્કી કરવા માટે ખડગેની અધ્યક્ષતામાં કેન્દ્રીય ચૂંટણી સમિતિની બેઠક મળી હતી. પાર્ટી હેડક્વાર્ટરમાં યોજાયેલી આ બેઠકમાં પૂર્વ અધ્યક્ષ સોનિયા ગાંધી પણ હાજર રહ્યા હતા. CECની બેઠકમાં ગુજરાતની લગભગ 60 બેઠકો માટે સંભવિત ઉમેદવારોના નામ પર ચર્ચા કરવામાં આવી હતી. ગુજરાત વિધાનસભાની ચૂંટણીની જાહેરાત ટૂંક સમયમાં થવાની આશા છે.

LEAVE A REPLY

Please enter your comment!
Please enter your name here